Maresaka

Tsy mihafina amin'ny mpanadihady vaovao fa rombahin'ny framasao ny fahefana amin'ny firenena maneran-tany. Tsy ela akory izay ohatra ny nanendren'Atoa Andry Rajoelina an'Atoa Omer Beriziky ho praiminisitra dia efa atsikafon'ny gazety vitsivitsy eto an-toerana sahady ny maha mpikamban'ny framasao azy. Tsaroana ihany koa ny disadisa nisy teo amin'Atoa isany Marka Ravalomanana sy Didier Ratsiraka tamin'ny taona 2001/2002 izay niafara tamin'ny nahalasa filoha an'Atoa Marka Ravalomanana. Nalaza be tamin'ireny fotoana ireny ilay "taratasy" noraisin'Atoa Ravalomanana avy tamin'ny framasao izay nantsoiny ho "mari-pankasitrahana". Tetsy an-daniny dia tsy nisy fisalasalana Atoa Richard Andriamanjato nanome soso-kevitra fa mety nanao fifanarahana tamin'i Satana Atoa Ravalomanana.


Ny zavatra mahalasa saina dia ny fanasana atidoha ny vahoaka. Rehefa misy Kristianina mijoro momba ny raharaham-pirenena mantsy dia pempoina avy hatrany fa tokony sarahina hono ny finoana sy ny fanjakana. Misy fahamarinany ihany anefa izany raha ny tenin'i Jesoa Kristy no arahina amin'ilay hoe: "ny fanjakako tsy fanjakan'izao tontolo izao". Raha Tenin'i Jesoa io no dinihina dia tsy ny framasao velively no misakana ny olona matotra ara-pinoana tsy hanao politika "maloto". Tsy menatra ny miady seza sy voninahitra intsony, ary mifamono mihitsy aza ny mpanao politika sy framasao sasany fa ny olon'i Jesoa kosa miandrandra ilay "fitoerana ao an-tranon-dRay" izay namboariny.

Inona kosa ny fanirianao? Manantena zavatra avy amin'ny framasao sa avy amin'i Kristy?

Ny Administrator